Чилидің он өңірінде төтенше жағдай жарияланды
Чилиде толассыз жауын мен су тасқыны қаупіне байланысты бірден он өңірде төтенше жағдай режимі енгізілді, деп хабарлайды Egemen.kz.
Кей өңірлерде 180 миллиметрге дейін жауын-шашын түсуі мүмкін. Сондықтан төтенше жағдай қызметі мен тау-кен өндіру компаниялары су тасқыны мен лай көшкінінің алдын алу мақсатында дағдарысқа қарсы жоспарларын іске қосты. Ел билігі тұрғындарды қауіпсіздік ережелерін сақтап, ауызсу қорын дайындауға шақырды.
Айта кетейік, шілде айының алғашқы күнінде Венесуэлада жер сілкінісіне байланысты төтенше жағдай жарияланды.
