Меккеде Қағбаның жабынын ауыстырды

Мекке қаласында Қағбаның жабыны — Кисуа-и Шәриф ауыстырылды, деп хабарлайды Egemen.kz.
Жаңа жабынды тігу үшін шамамен 825 келі таза жібек, сондай-ақ шамамен 120 келі күміс пен алтын қолданылады.
Жабынға Құран аяттары мен дұғалар алтын және күміс жіптермен кестеленген.
Ауыстыру процесі бірнеше сағатқа созылды. Ескі жабынды шешу барысында бір уақытта жаңасы кигізіледі.
Алдыңғы жабын шешілгеннен кейін зәмзәм суымен жуылып, кейін мұсылман елдеріне, музейлерге экспонат ретінде беріледі, сондай-ақ кейбір мемлекет басшыларына сыйлық ретінде табысталады.
Бұған дейін Қазақстан қажылары үшін Мекке мен Мәдинада жеңілдетілген бағдарлама іске қосылатыны туралы жариялаған болатынбыз.