Қытай аумағында жер сілкінісі тіркелді
Қазақстанның Ұлттық деректер орталығы Қытай аумағында жер сілкінісін тіркеді, деп хабарлайды Egemen.kz.
Институттың жедел мәліметіне сәйкес, 2026 жылғы 10 сәуір күні Астана уақытымен сағат 03:25-те (Гринвич уақыты бойынша 9 сәуір 22:25) Қытай жерінде жер сілкінген.
Жерасты дүмпуінің ошағы 42,57° солтүстік ендік пен 84,35° шығыс бойлықта орналасқан. Магнитудасы – 4,8. Энергетикалық класы – 11,5. Ошақтың тереңдігі 15 шақырымды құраған.
Айта кетейік, бұған дейін Алматы облысында да жер сілкінісі болған еді.
