АҚШ-та Ақ үй маңында атыс болды
Фото: Globallookpress.com/Michael Ho Wai Lee
АҚШ-тың Құпия қызметі Ақ үй маңында болған атыс оқиғасына қатысты тергеу жүргізіп жатыр, деп жазады Egemen.kz.
Associated Press агенттігінің мәліметінше, оқиға салдарынан қаза тапқандар мен зардап шеккендер туралы ақпарат тіркелмеген.
Атыс дауыстары Лафайет саябағы аумағында, яғни АҚШ президентінің ресми резиденциясына қарсы бетте естілген.
Оқиға орнына жеткен полиция қызметкерлері аумақты толық тексергенімен, күдіктілерді таппаған. Қазір қару қолданған адамды іздестіру жұмыстары жалғасып жатыр.
Айта кетейік, оқиға Ақ үйден небәрі ондаған метр жерде болса да АҚШ президентінің ресми резиденциясы қалыпты жұмыс істеп тұр.
