Түркия Иран елінен келетін мигранттарды қабылдайды
Түркия мүмкін болған жағдай Ираннан келетін 90 мың мигранттарды қабылдауға дайын екенін айтты. Бұл туралы Түркияның Ішкі істер министрлігі хабарлады, деп жазады Egemen.kz.
Ведомство АҚШ, Израиль және Иран арасындағы шиеленістің күшеюіне байланысты әрекет етудің үш жоспарын қарастырып жатыр.
Бірінші нұсқа – мигранттарды Иран аумағында ұстап тұру.
Екінші нұсқа – адамдардың қозғалысын бақылау үшін шекарада буферлік аймақтар құру. Үшінші нұсқа – адамдарды Түркия аумағына өткізіп, кейін оларды биліктің бақылауымен орналастыру.
Ішкі істер министрлігінің мәліметінше, қазіргі уақытта шекарадағы жағдай тыныш. Шекара арқылы өтетін қозғалыс қалыпты деңгейде сақталып отыр, ал өткізу бекеттері штаттық режимде жұмыс істеп, көлік жиналуы байқалмайды.
