Қытайда қоғамдық тәртіпті роботтар бақылайды
Бұл тәсіл әсіресе Шэньчжэнь қаласында белсенді қолданыла бастады. Шаһарда кез келген тұрғын немесе саяхатшы қауіп төнген жағдайда құлтемірден көмек сұрай алады. Қатер туралы дабыл түскен бойда тәртіп сақшылары оқиға орнына жетеді.
Мамандар оларға жасанды интеллект мүмкіндіктерін енгізіп, түрлі әрекеттерге машықтаған. Технология роботтардың патрульдеу кезінде жинаған заңбұзу деректерін орталыққа жіберіп отыруға мүмкіндік береді. Одан бөлек, электр қуатының тұрақтылығы аса маңызды стратегиялық нысандарда да осы роботтар қызмет көрсетеді. Олар электр желісіндегі ақауларды анықтап, алдын ала хабар бере алады. Қазір Қытай үкіметі бұл тәсілді жаппай қолданысқа енгізу жағын қарастырып жатыр.
