Жапония күшті жер сілкінісінен зардап шекті
Осакадағы дүйсенбінің кеші. Фото: Hindustan Times. Кеше Жапонияда күшті жер сілкінісі апатынан 3 адам қаза болып, жараланғандар саны 300-ден асты. Сілкініс қуаты 6,1 балға жеткен. Бұл туралы жапон БАҚ-тары хабарлады. Хабарға қарағанда, зілзаланың Осаканың солтүстігінде, 13 шақырым тереңдіктегі жер қыртысында пайда болған. Табиғи апат салдарынан бірнеше қалада әуе және құрлық қатынастары тоқтаған. Осака мен ел орталығы Токио арасында қатынайтын 60-тан астам жүрдек пойыз тоқтатылды. 100 мыңнан астам тұрғын үйдің табиғи газ желісі бүлінген. Сілкініс ошағына жақын қалаларда су құбырлары жарылып, қаланы су басқан.
