Қытайдың Гуйян қаласында балықшы құсбасты балық аулады. Таңғажайып су жәндігінің видеосы Youtube видеохостингісінде қызу талқыланып жатыр, деп хабарлайды ҚазАқпарат. Видеодан балықтың жерде сусыз қиналып жатқаны көрінеді. Тұрқы тұқы балыққа ұқсайтын су жануарының басы көгершінге ұқсас. Видеоның астында желі пайдаланушылары түрлі пікір қалдырып жатыр. Кейбіреулер оны табиғаттағы сирек кездесетін оқиға десе, енді біреулер жаратылыстың адамзатқа белгісіз тылсымы деп те жазуда. Тіпті антропогендік фактордың табиғатқа кері әсері екенін дәлелдеуге тырысқандар да бар.