Мьянмадағы жел сілкінісінен 1700 адам қаза тапты
Елдің әскери әкімшілігінің мәліметінше, 300 адам хабар-ошарсыз кеткен, ал жарақат алғандар саны 3000-нан асқан, деп хабарлайды Egemen.kz.
Естеріңізге сала кетейік, 28 наурызда Мьянмада 7,7 және 6,4 балдық жер сілкінісі болған еді. Жер асты дүмпулері көрші Қытай мен Таиландта да сезілді. Салдарынан Таиланд астанасы Бангкокта салынып жатқан зәулім ғимарат құлап, 17 адам көз жұмған.
Жергілікті билік 32 адамның жараланғанын, 83 адамның хабар-ошарсыз кеткенін мәлімдеді.
Қазіргі таңда іздестіру-құтқару жұмыстары әлі де жалғасып жатыр. Үйінділер астында қалған адамдарды құтқару үшін арнайы жасақтар мен еріктілер жұмылдырылған.
Табиғи апат салдарынан көптеген ғимарат қирап, инфрақұрылымға айтарлықтай зақым келген. Билік пен халықаралық ұйымдар гуманитарлық көмек көрсету шараларын ұйымдастырып жатыр.
