Түркияда жер сілкінді
Түркияның оңтүстік-шығысында 4,8 балдық жер сілкінісі тіркелді. Жер дүмпуінің эпицентрі Ирактың Эрбил қаласы маңындағы 7 шақырым тереңдікте орналасқан, деп хабарлайды Egemen.kz.
Жергілікті уақыт бойынша кешкі сағат 21:00-де болған зілзала ауылдық аймақтағы бірнеше ғимараттың қирауына және зақымдануына әкелген. Абырой болғанда, жарақат алғандар мен қаза тапқандар тіркелмеген.
Қауіпсіздік мақсатында тұрғындар түнді ашық алаңдар мен мешіттерде өткізген. Қазіргі уақытта арнайы қызметтер қираған үйлер мен ғимараттарды тексеріп, шығын көлемін есептеп жатыр.
