Трамп пен Путин Сауд Арабиясында кездесетін болды

АҚШ пен Ресей басшылары ақпан айының соңына дейін Сауд Арабиясында кездесуі мүмкін. Күн тәртібіндегі басты мәселе – Украинадағы соғыс. Бұл туралы Американың жетекші агенттігінің бірі Bloomberg хабарлады, деп жазады Egemen.kz.

Әзірге Ақ үй мен Кремльдің өкілдері Bloomberg-тің ақпаратына байланысты ешқандай түсініктеме берген жоқ.

Әйткенмен АҚШ конгресі өкілдер палатасының мүшесі Майкл Маккол алдағы аптада америкалық делегация Сауд Арабиясына ресейлік және украиналық ресми тұлғалардың қатысуымен келіссөз өткізуге, оған қоса Трамп пен Путиннің кездесуін дайындау шаруасымен баратынын растады.