Беларусь үкіметі отставкаға кетті

Беларусь министрлер кабинеті қайта сайланған президенттің алдында отставкаға кетті, деп хабарлайды Egemen.kz Беларусь Республикасы Президентінің ресми сайтына сілтеме жасап.

Тиісті қаулыға Роман Головченко қол қойды.

Республика Президентінің баспасөз қызметі Александр Лукашенконың премьер-министрге, оның орынбасарларына, министрлерге, мемлекеттік комитеттердің төрағаларына және Министрлер кеңесі аппаратының меңгерушілеріне жаңа құрылым құрылғанға дейін өз міндеттерін орындауды жалғастыруды тапсырғанын хабарлады.

Айта кетейік, Беларусьтегі сайлауда сайлаушылардың 86,82 пайызы Александр Лукашенкоға дауыс берген еді.

Еске салайық, Александр Лукашенко Беларусь Республикасының Президенті лауазымына 1994 жылдан бастап жетінші рет сайланып отыр.