Лукашенко Беларусьтегі президент сайлауында жеңіске жетті

Орталық сайлау комиссиясы алдын ала нәтижені ұсынды. Оған сәйкес Александр Лукашенко Беларусьтегі президенттік сайлауының дауыс беру қорытындысында 86,82 пайыз жинады, деп хабарлайды qarmaqshy-tany.kz Egemen.kz сілтеме жасап.

Беларусь Орталық сайлау комиссиясының 27 қаңтардағы алдын ала мәліметіне сәйкес А.Лукашенко 86,82 пайыз, О.Гайдукевич 2,02 пайыз, А.Хижняк 1,74 пайыз, А.Канопатская 1,86 пайыз және С. Сыранков — 3,21 пайыз дауыс жинаған. 

Барлығына қарсы сайлаушылардың 3,60%-ы дауыс берді. Сайлауға қатысу көрсеткіші 85,70 пайызды құрады, ал сайлаушылар саны 6 903 994 адам болды.

Беларусь заңнамасына сәйкес, сайлаушылардың 50 пайыздан астам дауысын жинаған үміткер жеңіске жетеді. ОСК президент сайлауының соңғы қорытындысын 3 ақпанда шығаруды жоспарлап отыр.

Қорытынды расталғаннан кейін А.Лукашенко Беларусьтің президенті болғаны ресми түрде жарияланады.