"16 адам іздестіріліп жатыр": Египетте 30-дан астам турист мінген яхта суға кетті
Мысырдың Марса-эль-Алам қаласына жақын жерде бортында 31 турист пен 13 экипаж мүшесі болған яхта суға батып кетті. Бұл туралы Stan.kz ақпарат агенттігі хабарлайды.
Sky news басылымының мәліметінше, “Sea Story” деп аталатын қайықтағы 16 адам із-түссіз жоғалып кеткен. Ел билігі 12 шетелдік пен 4 Мысыр азаматын іздеп жатыр.
“Қызыл теңізге батқан қайықтан 28 адам құтқарылды. Алдын ала мәлімет бойынша, кеме үлкен толқынға тап болып, аударылып қалған. Кейбір туристер каюта ішінде болғандықтан оларды құтқара алмадық”, – дейді Қызыл теңіз провинциясының губернаторы генерал-майор Амр Ханафи.
Аман қалған адамдар жеңіл жарақат алған. Сондай-ақ оларға медициналық көмек көрсетілді.
Египет әскери-теңіз күштері мен әскери авиациясы із-түссіз жоғалғандарды іздеу жұмыстары күшейтіліп жатыр.
