Тарихта алғаш рет биткоин бағамы 80 мың доллардан асты
Криптовалюта құны 4,7% өсіп, рекордтық көрсеткіш 80 мың долларға жетті. Бұл туралы Stan.kz ақпарат агенттігі Bloomberg басылымына сілтеме жасап хабарлайды.
Қазір биткоин 79 500 долларға саудаланып жатыр.
Басылым мәліметінше, биткоин бағамы Дональд Трамптың АҚШ президент сайлауында жеңіске жетуі аясында өсіп жатыр. Сайлау науқаны кезінде Трамп АҚШ-ты "ғаламшардың крипто астанасына" айналдыруға уәде беріп, биткоиндардың ұлттық қорын құруды ұсынды.
Бұған дейін биткоин 6 қарашаға қараған түні АҚШ-тағы президент сайлауынан кейінгі дауыстарды санау кезінде жаңа рекордтық деңгейге жетті. Содан кейін Bitcoin бағамы 74 600 долларға дейін көтерілді.
