Әлемде бірде-бір маса өмір сүрмейтін ел бар

Әлемде талай қызық бар деп тамсанып жатамыз ғой. Иә, ол шынында да солай. Жер ғаламшарын жайлаған маса бір ғана елде өмір сүрмейді екен...

Бұл − Исландия мемлекеті. Ғалымдар мен зерттеушілер мұның сыр-себебін толық тани қоймаған, десе де Исландияда масаның бірде-бір түрі өмір сүрмеуін табиғат ерекшеліктерімен байланыстырады. 

Ең таңдандыратыны Еуропадағы елдердің шекарасы, салыстырмалы түрде өте жақын. Исландияға жақын орналасқан Норвегия, Шотландия, Ирландия, тіпті Гренландия­да маса бар екені анықталған. Масалар суық пен жылудың кезектесіп тұратыны­на шыдай алмайды екен. Ал Исландияда қыста ауа райы лезде жылып, суып құбылады. Қансорғыш жәндіктер осы себепті де Исландияға жуымайтын болса керек...