Израильде табиғаттың тосын мінезінен 2 жеткіншек жазым болды

Израильде табиғаттың тосын мінезінен 2 жеткіншек жазым болды 26.04.2018, 10:12 33 Таяу Шығыста табиғат тосын мінез танытты. Қолайсыз ауа райы салдарынан Израиль мен Палестина аумағында екі жеткіншек жазым боп, жан тапсырды. Мұнда нөсер соңы бұршаққа ұласты. Жергілікті арналардың хабарлауынша, жазық даладағы Мамшит елді мекенінде сел жүріп, мал бағып жүрген баланы ағызып әкеткен. Сондай-ақ Гуш Эцион ауданында да 16 жасар қыз бала тасқын құрбаны болды. Израильдің су ресурстары басқармасы елдің оңтүстігінде тасқын қаупі бернеше күн сақталатынын мәлімдеген. Нөсер жауынға байланысты Тель-Авив пен елдің оңтүстігінде орналасқан бірнеше қалада жолдар жабылды. Жергілікті тұрғындардың айтуынша, бұршақтың көлемі теннис добынан да үлкенірек болған.