“Мен Кастамону, Синоп және Бартын провинцияларында су тасқыны салдарынан 17 азаматымыздың қаза болуына байланысты көңіл айтамын”, – деп жазды Түркия президенті өзінің Twitter-дегі парақшасында.
Бұған дейін республика билігі елдің солтүстігінде табиғи апаттан зардап шеккен 11 адам туралы хабарлаған болатын.
Ердоғанның айтуынша, 4600-ден астам адам мен 1000-нан астам техника қатысқан аймақта іздеу-құтқару жұмыстары жалғасуда.
11 тамызда қатты нөсер елдің солтүстік-шығыс провинцияларының бірінде, Бартын, Синоп, Кастамону облыстарында су тасқыны мен селге әкелді. Қала көшелерінде лай ағындары пайда болды. Ғимараттарға, көліктер мен инфрақұрылымға зақым келген.