САЯСИ ҚУҒЫН-СҮРГІН ЖӘНЕ АШАРШЫЛЫҚ ҚҰРБАНДАРЫНЫҢ РУХЫНА ТАҒЗЫМ ЕТІЛДІ
Бүгін ауданда 31 мамыр – Саяси қуғын-сүргін және ашаршылық құрбандарын еске алу күніне арналған тағылымды іс-шара өтті.
Шара барысында өткен ғасырдың ең қасіретті кезеңдерінде жазықсыз жапа шеккен боздақтардың рухына тағзым ретінде 1 минуттық үнсіздік жарияланып, ескерткіш тақтаға гүл шоқтары қойылды.
Іс-шараға аудан әкімінің орынбасары С. Смағұлов, аудандық мәслихат төрағасы Ә. Қошалақов, ардагерлер кеңесінің төрағасы А. Мереков, сондай-ақ қуғын-сүргін құрбандарының ұрпақтары, қоғамдық ұйым өкілдері, бұқаралық ақпарат құралдары және белсенді жастар қатысты.
Жиналған қауым XX ғасырдың 30-50 жылдарындағы саяси репрессия мен ашаршылық құрбандарын еске алып, сол кезеңдегі ұлт зиялыларының ерлігі мен қайсар рухын, ел үшін төккен тері мен жанкештілігін ерекше құрметпен еске алды.
