Осы жылдың қыркүйек айының 18-20 күндері аралығында Жосалы стансасындағы Желілік полиция бөлімшесінің қызмет көрсету аумағында адам саудасына қарсы іс-қимыл жасау мақсатында «STOP-трафик» жедел профилактикалық іс-шарасы өткізілуде.

«STOP-трафик» ЖПІШ-ның негізгі мақсаты – темір жол және әуе көлігі объектілерінде орналасқан сауналар, қонақ үйлер мен демалыс бөлмелерінде адамдарды сатуға байланысты қылмыстардың алдын алуға, жолын кесуге, анықтауға және ашуға, адамдарды жезөкшелікпен айналысуға тартуға, ұрлауға, оларды одан әрі пайдалану мақсатында бас бостандығынан заңсыз айыруға, сонымен қатар, бұқаралық ақпарат құралдарындағы және интернет-сайттарындағы заңды қызметті жамылып, адам саудасына әлеуметті құрбандарды тартуға бағытталған жарнамалық хабарландыруларды анықтау.

Притондар құру фактілерінің жолын кесу, сондай-ақ жедел қызығушылық тудыратын адамдарды анықтау және есепке қою мақсатында ойын-сауық орындарында, монша кешендерінде, қонақ үйлерде рейдтік «STOP-трафик» жедел-профилактикалық іс-шарасы өткізіледі.