Қарттарым асыл қазынам,
Көрмесем күнде сағынам.
Ақылшы болған жастарға,
Даналығыңа табынам. Жолыңа төсеп ақ кілем,
Бағаны сіздің көтерем.
Өмірден көрген бейнетін,
Қалайша жазбай өшірем. Бақытын тапқан еңбекпен,
Дән егіп жерге тер төккен.
Төрт-түлік малды көбейтіп,
Мамандықты да меңгерген. Бау-бақшаны өсіріп,
Жемісін елге паш еткен.
Ақ бидай жинап алқаптан,
Қырманға әкеп тербеткен. Берекесін елімнің,
Ұстап келген бірлікпен.
Тәрбие беріп ұрпаққа,
Жаман әдетпен күрескен. Жүріңдерші аман боп,
Ендігі жерде тілекпен.
Мақтаулар сізге арналып
Жырларым шықты жүректен.