Байланыс

Мейлі, достар, қандай іспен айналыс,
Жерді айналып, тіпті әрі Айға ұш,
Ойдағыңды іске асыру үшін де,
Керек саған, керек саған байланыс!Ел алдында біз боламыз ту ұстар,
Күндіз-түні біз жүреміз жұмыста,
Біз арқылы елге хабар тарайды,
Біз арқылы қатысады туыстар!Байланыстың білесің бе, бағасын,
Жаңалықты осы бізден табасың,
Біз арқылы достан хабар аласың,
Біз арқылы іздер сені нағашың!Арадайын гүлден шырын тасып бал,
Бір біріне ұмтылатын қашықтан,
Біз арқылы сезімдерін жеткізіп
Біз арқылы табысады ғашықтар!Ағайындар бір біріне шарқ ұрар
Кездескенде тасқын судай сарқырар
Біз арқылы қайғысын да бөлісіп,
Біз арқылы тойларына шақырар!