“Әкешім, жыламаңыз”: Марқұм анасына ән арнаған Абай Бегейдің қызы жұртты жылатты (видео)
Абай Бегейдің қызы марқұм анасына ән арнап, көптің көзіне жас келтірді. Өнер иесі ортаншы қызының орындауындағы әнді желідегі парақшасына жүктеген, деп жазады Stan.kz.
Абай Бегейдің үш қыз, бір ұлы бар. Ал анасына ән арнаған әншінің ортаншы қызы – Сымбат. Көптің жүрегін елжіреткен ән “Сағындым анашымды” деп аталады.
Желі қолданушылары әннің өте әсерлі шыққанын, ал кішкентай Сымбаттан болашақта үлкен жұлдыз шығатынын атап өтті.
“Балапаным-ау сол”, – деп жазды әнші Ғаділбек Жаңай.
“Жаным даусыңнан айналдым. Әкелерің аман болсын, аналарыңның жаны жәннатта болсын. Құлыншағым”, – деп пікір білдірді желі қолданушыларының бірі.
