Қарағандылық оқушы нотасыз орындалған музыкасымен көпшілікті таңғалдырды

Музыкаға құмар қарағандылық Дамир Кәрімов «Тыныштық әуені» атты шара өткізіп, бұл бастамасын Наурыз мерекесіне арнады. Нотасыз орындалған музыка жанры мен оның ерекше стиліне келушілер жоғары баға берді. Бұл – жас орындаушының алғашқы кеші. Алдағы уақытта өнерпаз еліміздің басқа қалаларын аралап, жеке концерт беруді жоспарлап отыр. Дамир Кәрімов, орындаушы: - Наурыз – көктемгі күн мен түннің теңелуі, табиғаттың, жарықтың, жақсылық пен жамандықтың теңгерімі. Бұл теңгерім мен теңелу музыкантқа əуен шығаруға септігін тигізеді. Ол тыңдаушыға фондық музыка бола алады.