Құрметті журналистер мен блогерлер!

«Сыр бойы» және «Кызылординские вести» газеттерінің 90 жылдығы аясында 28 қараша күні сағат 10:00-де А.Тоқмағамбетов атындағы мәдениет үйінде "Заманауи медиа кеңістіктегі аймақтық баспасөздің маңызы мен ролі" тақырыбында ғылыми-тәжірибелік конференция ұйымдастырылады. 

Ал сағат 16:00-де Қорқыт ата атындағы Қызылорда университетінің Студенттер сарайының кіші залында Қазақстан Журналистер одағының төрағасы Сейітқазы Матаев, сондай-ақ еліміздегі әріптес-басылымдардың, қанаттас келе жатқан медиа құрылымдардың басшылары – «Ақтөбе Медиа» ЖШС директоры Раукен Отыншин, «Ақтөбе» газетінің бас редакторы Бауыржан Бабажанұлы, «Түркістан медиа холдинг» ЖШС бас директоры Бауыржан Бердімұратов, Түркістан облыстық «Оңтүстік Қазақстан» газетінің бас редакторы Абай Балажан және «Егемен Қазақстан» газетінің Түркістандағы меншікті тілшісі Ғалымжан Елшібай Сыр өңірінің журналистерімен кездесу өткізеді. 

Жаңа және дәстүрлі медианың өзекті мәселелері сараланатын іс-шараларға сіздерді қатысуға шақырамыз.