Синоптиктер 2019 жылдың 16-18 шілде аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап. "Антициклон және Ираннан келетін ыстық ауа массаларына байланысты Қазақстанның көптеген облыстарында ыстық және өте қатты ыстық ауа райы сақталады. Республиканың батысында жаңбыр мен ыстықтың әлсіреуінен кейін ауа температурасы қайтадан жоғарылайды. Республиканың басым бөлігінде ауа температурасы климаттық нормадан 2-7 градус жоғары болады деп болжануда", - делінген хабарламада.