2019 жыл – Жастар жылы деп жариялануына орай, ағымдағы жылдың 12 сәуір күні Байқоңыр кешенінде «Baikonur conf» облыстық жастар конференциясы ұйымдастырылып, өткізілді.

Дүниежүзілік авиация және космонавтика күні өтетін бұл шараны Басқарма, «Нұр Отан» партиясы «Байқоңыр» филиалы және «Бәйтерек» Қазақстан - Ресей БК» АҚ-мен бірлесіп ұйымдастырды.

Шараның мақсаты-мемлекеттік органдар мен азаматтық қоғамды мемлекеттік жастар саясатын тиімді әрі нәтижелі жүзеге асыруға жұмылдыру, жастарды ғарыш саласына, ғылыми қызметке ынталандыру.

Осы ретте, аталған шараға облыстық жастар саясаты басқармасы, аудан әкімдерінің әлеуметтік мәселелер жөніндегі орынбасарлары, аудандардағы жастар ресурстық орталығы басшылары қатысты.