iPhone XI смартфонының дизайны көрсетілді
Желіде iPhone смартфонының жаңа моделінің суреті жарияланды.
Бұл туралы Lenta.ru-ға сілтеме жасап, Tengrinews.kz хабарлайды.
Кейбір дереккөздерге сүйенсек, жаңа модель iPhone XI деп аталады. Жарияланған суретте смартфонның пішіні iPhone X пен Xs-ке ұқсас болатыны байқалады. Басты ерекшелігі - онда үш модуль болады. Басылымның мәліметінше, жаңа гаджеттің камерасы Huawei P30 бен Samsung Galaxy S1 смартфондарының камерасына ұқсас болып келеді. Сондай-ақ, iPhone XI моделінде жаңа функция пайда болатыны айтылады. Осылайша, смартфон Qi көмегімен басқа да аксессуарларды қуаттай алады. Сарапшылардың болжамына қарағанда, Apple өкілдері жаңа модельге iPad Pro-дағыдай USB-C жалғағышын орнатады. Жаңа смартфон 2019 жылдың күзінде таныстырылады.
