Ақай ауылдық округінде "Көрісу күні" аталып өтілді.

14 наурыз – Көрісу күні бастауын сан мыңдаған ғасырлардан алатын, бүгінде еліміздің батыс өңірінде сақталып қалған дәстүр. Шартты түрде наурыздың 14-і «Көрісу күні» (кейде «қауышу күні) деп аталады. Ал халық арасында Наурыз мейрамын қарсы алу осы күннен басталады. 

Аталған күнді мерекелеуге байланысты ауылдық клуб үйінің қызметкерлерімен құрылған өнерпаздар ауылдық округтегі , Байқоңыр қаласы және Төретам кентіндегі мекемелерді, ауылымыздағы ақсақалдар мен ақжаулықты аналарды аралап «Көрісу күні» мерекесімен құттықтап, мерекенің маңыздылығын, тарихын түсіндіріп өтті. Сонымен қатар, клуб өнерпаздары ауылдың орталық алаңында кездестірген тұрғындарға «Жасыңыз құтты болсын!», «Жасыңа жас қосылып, ғұмырың ұзақ болғай!» деп тілек тілеп, жылы лебіздерін білдірді.