Бүгін ауа-райы қандай болмақ?
"Қазгидромет" РМК синоптиктерінің болжамына қарағанда, ел аумағы бойынша фронтальды бөліктердің өтуіне байланысты ауа райы тұрақсыз болады. Соған байланысты жауын-шашын, оңтүстік өңірлерде қатты жауын-шашын жауады. Республиканың кей жерінде тұман, көктайғақ, бұрқасын болып, жел күшейеді.
Түркістан, Жамбыл облыстарының кей жерінде тұман, көктайғақ, бұрқасын байқалып, жел 15-20 м/с, кей жерде екпіні 25 м/с күтіледі.
Қызылорда облысының кей жерінде тұман, көктайғақ болады, таңертең және күндіз жел 15-20 м/с дейін күшейеді.
Маңғыстау облысының кей жерінде тұман, жел 15-20 м/с, түнде кей жерде бұрқасын, көктайғақ болады.
Қостанай, Қарағанды облыстарының кей жерінде жаяу бұрқасын, тұман, жел 15-20 м/с күшейеді.
Павлодар, Шығыс Қазақстан облыстарының кей жерінде бұрқасын, көктайғақ, жел 15-20 м/с күтіледі.
Түнде Атырау, Батыс Қазақстан облыстарының кей жерінде жел 15-20 м/с дейін күшейеді.
Солтүстік Қазақстан облысының кей жерінде жаяу бұрқасын, күндіз жел 15-20 м/с бақыланады.
Ақтөбе облысының кей жерінде жаяу бұрқасын, жел 18 м/с күтіледі.
Алматы облысының Жалаңашкөл ауданында жел 18-23 м/с дейін күшейеді.
baq.kz
