Қазан айының алғашқы күнінде ауа райы қандай болады?
Қыркүйектің соңғы екі күнінде ауа райы ашық болады. 29-30 қыркүйек күндері елдің басым бөлігінде атмосфералық қысымы жоғары өрістің әсері сақталады. Осыған байланысты алдағы үш күн жауын-шашынсыз болуы ықтимал, деп хабарлайды Egemen.kz.
Ал 1 қазан күні атмосфералық фронттардың әсерінен Қазақстанның басым бөлігінде ауа райы тұрақсыз болады. Жаңбыр жауып, найзағай ойнап, жел күшейеді.
Түнгі және таңертеңгі сағаттарда кей жерлерде тұман болжанады. Елдің солтүстік жартысында 1-3°C аяз сақталады.
Күндіз ауа температурасы елдің солтүстік жартысында +15…+23°C болады.
Оңтүстік жартысында ауа температурасы +20…+25°C-тан +15…+23°C-қа дейін төмендейді. Таулы аудандарда +10…+15°C-тан +8…+13°C-қа дейін төмендеуі күтіледі.
Айта кетейік, бүгін барлық өңірде жел күшейіп, үсік жүреді.
