Бүгін еліміздің батыс өңірлерінде аптап ыстық болады
«Қазгидромет» 24 шілдеге арналған ауа райы болжамын ұсынды. Синоптиктердің болжауынша, елде жел күшейіп, дауыл болады, деп хабарлайды Egemen.kz.
Солтүстік-батыс циклоны және атмосфералық фронталды бөлімдер республиканың басым бөлігінде тұрақсыз ауа райын сақтайды. Найзағай ойнап, жаңбыр жауады.
Еліміздің солтүстігінде, шығысында, орталығында, оңтүстік-шығысында қатты жаңбыр жауады.
Республика бойынша желдің күшеюі, бұршақ, дауыл болжанады. Түнде және таңертең еліміздің солтүстігінде, солтүстік-батысында, орталығында тұман күтіледі.
Күндіз Батыс Қазақстан, Атырау, Ақтөбе облыстарында, Қостанай облысының оңтүстігінде 35-39 градус, Маңғыстау облысында 38-42 градус қатты ыстық күтіледі.
