Сауда нысандарында мониторинг жүргізілді

Делдалдық схемаларды анықтау және олардың алдын алу мақсатында құрылған комиссия азық-түлік тауарларына кезекті мониторинг жұмыстарын жүргізді.

Сауда орындарын аралау барысында кәсіпкерлерге азық-түлік тауарларының бағасын тұрақтандыру, кассалық аппаратты пайдалану және фискалдық чек беру талаптары бойынша түсіндіру жұмыстары жүргізілді.

Сонымен қатар, сауда қызметін қолданыстағы заңнама талаптарына сәйкестендіру қажеттігі ескертілді.

Мониторинг нәтижесінде жекелеген өнім түрлері бойынша жоғары бағаны төмендету мақсатында тиімді жеткізушілермен жұмыс істеу немесе өңірлік тұрақтандыру қоры арқылы қамтамасыз ету мүмкіндіктері ұсынылды.