Жастар саясаты
Ауданда жастар саясатын тиімді жүзеге асыру мақсатында кент және ауылдық округтердің жастар ісі жөніндегі мамандарымен арнайы талқылау өтті.
Талқылау барысында атқарылып жатқан жұмыстарға талдау жүргізіліп, бірқатар өзекті мәселелер қарастырылды. Тиісті түсіндірме жұмыстары жүргізіліп, жастар ісі жөніндегі мамандарға нақты тапсырмалар берілді.
Президентіміздің бастамасымен жүзеге асырылып жатқан “Таза Қазақстан” акциясын кент және ауылдық округтердегі жастар арасында кеңінен насихаттау және тазалық жұмыстарын жүргізу тапсырылды.
Алдағы уақытта жастар саясатын жүйелі түрде іске асыру, жұмыстың сапасын арттыру және жауапкершілікті күшейту бағытындағы жұмыстар жалғасын табатын болады.
