ТҰРҒЫНДАРДЫҢ ӨТІНІШІ БАСТЫ НАЗАРДА
Ел Президенті Қасым-Жомарт Кемелұлы Тоқаевтың «Әкімдердің халықпен кездесулерін өткізу туралы» Жарлығына сәйкес бүгін аудан әкімі Жандос Еркінбек «Amanat» партиясының алаңында азаматтарға жеке қабылдау жүргізіп, тұрғындардың өтініштері мен ұсыныстарын тыңдады.
Көтерілген мәселелердің басым көпшілігі жұмыспен қамту және әлеуметтік көмек, тұрғын үй алу мүмкіндіктері бойынша жеке тұрғындар сауалдарын қойды.
Қабылдау барысында аудан басшысы әрбір тұрғынның жеке мәселесін тыңдап, бірқатарына заңдылыққа сәйкес жауап берді.
Айтылған мәселелер бақылауда болатынын айтып, оңтайлы шешiмiн табуы үшiн тиiстi сала басшыларына тапсырмалар жүктеді.
Жеке және заңды тұлғалардың өтініштерін қарау туралы заңдылықтарға сәйкес жергілікті билік органының өз құзыреті аясында мәселелерді шешу мақсатында тиісті шаралар қабылданатын болады.
Қармақшы ауданы әкімінің баспасөз қызметі
