17 наурыз – Шаңырақ күні

Бүгін Наурыз мейрамы онкүндігінің төртінші күні. Бұл күн қазақстандықтардың жас ұрпақты тәрбиелеу мәдениетін көрсетіп, олардың бойында патриотизм, адамгершілік және еңбекқорлық қасиеттерін қалыптастыруға үндейді.

Шаңырақ күні сүйіспеншілік, құрмет, сенім, өзара көмек, мейірімділік, жанашырлық, анаға құрмет және ұрпаққа деген сүйіспеншілік сияқты отбасылық құндылықтарды насихаттауға арналады.

Бүгінде еліміздің барлық өңірінде түрлі іс-шаралар ұйымдастырылады. Сондай-ақ елдің түкпір-түкпірінде ұлттық киім киген жастардың неке қию рәсімдері өтеді.