«АЛТЫН ҚАЗЫНА» КӨРКЕМ ЖӘНЕ СӘНДІК - ҚОЛДАНБАЛЫ ӨНЕР РЕСПУБЛИКАЛЫҚ КӨРМЕ БАЙҚАУЫНЫҢ АУДАНДЫҚ КЕЗЕҢІ ӨТТІ

Қармақшы ауданы бойынша білім бөлімінің ұйымдастыруымен №30 орта мектеп базасында «Алтын қазына» көркем және сәндік-қолданбалы өнер бойынша балалар шығармашылығының Республикалық көрме-байқауының аудандық кезеңі өтті.

Көрме-байқаудың мақсаты: білім алушылардың көркем, шығармашылық қабілеттерін дамыту, рухани-адамгершілік және мәдени құндылықтарға баулу.

Қатысушылар өздерінің шығармашылық жұмыстарын түрлі техникада ұсынды:

1) тоқыма бұйымдарын дайындау;

2) ағашты, сүйекті, теріні көркемдеп өңдеу;

3) металды көркемдеп өңдеу;

4) ағаштан, тастан, саздан шағын формадағы мүсіндерді жасау;

5) ұлттық ою-өрнегі бар халықтық киімдерінің үлгісін жасау;

6) қағаздан бұйымдар жасау;

7) ұлттық нақыштағы интерьердің ерекше дизайн-жобасы.

Бұл шара балаларға шығармашылық әлеуетін ашуға, өз қабілетіне деген сенімділігін арттыруға, сондай-ақ табиғат пен халық дәстүрлерінің сұлулығын бағалай білуге мүмкіндік берді.