ЖОСАЛЫ КЕНТІНДЕ РЕФЕРЕНДУМ КҮНІ АНАЛАРҒА ҚҰРМЕТ КӨРСЕТІЛДІ

Қармақшы ауданында республикалық референдум өтіп жатқан күні аналарға ерекше құрмет көрсетілді. Жосалы кентіндегі Орталық аудандық ауруханада дәл осы маңызды күні дүниеге келген сәбилердің аналарына құрмет білдірілді.

Референдум күні өмірге келген сәбилердің аналарын аудандық емхана басшысы Бақытжан Нысанбаев арнайы құттықтап, ізгі тілегін жеткізді.

Құттықтау барысында ол аналарға зор денсаулық, отбастарына бақ-береке тілеп, дүниеге келген сәбилер елдің болашағына үлес қосатын саналы ұрпақ болып өссін деген ақжарма тілегін білдірді.

Мұндай игі бастама аналарға деген құрметтің көрінісі болып, мерейлі күннің мәнін арттыра түсті.