ОҚУШЫЛАРҒА ОНЛАЙН - ТРАНСЛЯЦИЯ АРҚЫЛЫ КӨРМЕ СОТ ОТЫРЫСЫ КӨРСЕТІЛДІ

Қызылорда облысының өңірлік жобалық офисының «Заң мен тәртіп» тұжырымдамасын ілгерілету жөніндегі 2026 жылға арналған іс-шаралар жоспарына сәйкес қаңтар айында профилактикалық мақсатта мектеп оқушылары мен студент жастармен қылмыстық іс бойынша онлайн-трансляция арқылы көрме сот отырысы ұйымдастырылды.

Қаралатын қылмыстық іс адам өлтіруге оқталу дерегіне қатысты, айыпталушы – кәмелет жасқа толмаған. Осыған байланысты көрме сот отырысына аудандағы 9-10 сынып оқушылары ZOOM-платформасы арқылы қосылып көрді.