ПАРТИЯЛЫҚ БАҚЫЛАУ КОМИССИЯСЫНЫҢ ЖҰМЫСЫ ҚОРЫТЫНДЫЛАНДЫ
"AMANAT" партиясы Қармақшы аудандық филиалының Партиялық бақылау комиссиясының кезекті отырысы өтіп, атқарылған жұмыстардың қорытындысы шығарылды. Жиын барысында комиссияның өткен кезеңдегі қызметі талқыланып, партиялық тәртіптің сақталуы, ішкі бақылау жұмыстары және алдағы міндеттер айқындалды.
Комиссия мүшелері партияның жарғысы мен бағдарламалық талаптарының орындалуын қамтамасыз ету бағытындағы жұмыстарды күшейту қажеттігін атап өтті. Сондай-ақ, Партиялық бақылау комиссиясының 2026 жылға арналған жұмыс жоспары бекітілді.
Сонымен қатар, "AMANAT" партиясының Сайлауалды бағдарламасының Қармақшы ауданындағы атқарылу барысы жөнінде Қармақшы аудандық экономика және қаржы бөлімінің басшысы Ж.Ниматулланың есебі тыңдалды.
Партиялық бақылау жұмыстары алдағы уақытта да жүйелі түрде жалғасатын болады.
