БОС ЖҰМЫС ОРЫНДАРЫНЫҢ ЖӘРМЕҢКЕСІ ӨТТІ
Қармақшы аудандық "Мансап" орталығының ұйымдастыруымен тұрғындарға арналған бос жұмыс орындары жәрмеңкесі өткізілді.
Жәрмеңкеге аудан көлеміндегі 16 жұмыс беруші қатысып, жұмыс іздеуші тұлғаларға 30 тұрақты және уақытша жұмыс орны ұсынылды. Бұл – жұмыс іздеушілер үшін үлкен мүмкіндік!
Іс-шара аясында "AMANAT" партиясының "Жастарға - жұмыс" жобасы бойынша жастарға арналған түсіндірме жұмыстары жүргізіліп, жұмысқа орналасуға қатысты кеңестер берілді.
Мақсат – жұмыссыз азаматтарды, әсіресе жастарды тұрақты еңбекпен қамту, жұмысқа орналасуға қолдау көрсету.
Осындай жәрмеңкелер алдағы уақытта да өз жалғасын табатын болады.
