28 градусқа дейін жылы болады: 18 қыркүйекке арналған ауа райы болжамы жарияланды
«Қазгидромет» РМК 18 қыркүйекке арналған ауа райы болжамын жариялады, деп хабарлайды Azattyq Rýhy.
Синоптиктердің болжамына сүйенсек, солтүстік пен шығыс өңірлерде ауа райы құбылмалы болады.
Ақмола, Павлодар, Қарағанды, Ұлытау және Шығыс Қазақстан облыстарында жаңбыр жауып, күндіз кей өңірлерде найзағай, бұршақ және желдің күшеюі күтіледі. Түнде және таңертең тұман түседі. Күндізгі температура 13-20° шамасында.
Алматы, Жетісу және Жамбыл облыстарында таулы аймақтарда өткінші жауын-шашын, кей жерлерде бұршақ пен қатты жел байқалады.
Республиканың оңтүстігінде – Шымкент, Түркістан, Тараз қалаларында негізінен жауын-шашынсыз, күн жылы болады – 22-25°.
Батыс және оңтүстік-батыс өңірлерде – БҚО, Атырау, Маңғыстау, Ақтөбе, Қызылорда облыстарында жауын-шашынсыз ауа райы сақталады. Түнде кей жерлерде тұман күтіледі. Күндіз 20-28° жылы, бұл аймақтар ең жылы өңір болып қала береді.
