Қатты жаңбыр жауады: үш күнге арналған ауа райы болжамы
Қазгидромет 21, 22, 23 тамызға арналған ауа райы болжамын жариялады, - деп хабарлайды Massaget.kz тілшісі.
Алдағы күндері солтүстік-батыс циклоны республиканың басым бөлігіне ықпал етеді. Найзағай ойнап, жаңбыр жауады. Солтүстік өңірлерде қатты жаңбыр, бұршақ жаууы мүмкін.
Республика бойынша жел күшейеді, солтүстікте түнде және таңертең тұман түседі.
Ауа температурасы:
- Солтүстікте түнде +8…+15°С, күндіз +20…+25°С-қа дейін төмендейді.
- Орталықта түнде +9…+18°С, күндіз +18…+30°С.
- Шығыста түнде +7…+18°С, күндіз +19…+27°С.
- Батыста түнде +15…+23°С-қа дейін жоғарылап, күндіз +30…+37°С болады.
- Солтүстік-батыста түнде +8…+16°С, күндіз +25…+33°С.
- Оңтүстікте түнде +13…+22°С, күндіз біртіндеп +27…+35°С-қа дейін төмендейді.
- Оңтүстік-шығыста түнде +10…+22°С, күндіз біртіндеп +20…+32°С-қа дейін төмендейді.
