Аудан әкімінің құттықтауы

Құрметті жерлестер!

Баршаңызды мамырдың мамыражай мерекесі – Қазақстан халқының бірлігі күнімен және Қазақстан халқы Ассамблеясының 30 жылдық мерейтоймен шын жүректен құттықтаймын! Бұл күн – татулық пен достықтың, ынтымақ пен түсіністіктің символына айналған айрықша мереке.

Ынтымағы жарасып, ырысы артқан елімізде ұлттар мен ұлыстар бір мақсат, ортақ болашаққа ұмтылып, киелі шаңырақ астында тату-тәтті өмір сүріп келеді. Қазақстан халқы Ассамблеясы еліміздегі қоғамдық келісімді нығайтып, ұлттық бірліктің негізін қалауда үлкен рөл атқаруда.

Бүгінде Сыр елі, оның ішінде Қармақшы ауданының халқы да елдің әлеуметтік-экономикалық дамуына үлес қосып, бірлік пен ынтымақты ту етіп, берекелі өмір сүріп келеді. Ассамблеяның 30 жылдық мерейтойы аясында ауданымызда түрлі іс-шаралар мен жобалар жүзеге асырылуда.

Қадірлі жерлестер!

Ел болу үшін бірлік, бақ қону үшін татулық керек. Ұрпақтар сабақтастығы үзілмей, өскелең буын осы ұлы құндылықтарды қадірлей білсе, ел ертеңі еңселі болары сөзсіз.

Мәні мен маңызы зор мерекеде әр шаңыраққа амандық, құт-береке, шаттық пен тату тіршілік тілеймін! Тұғыры нық, тәуелсіздігі баянды, бірлігі бекем ел болайық!