ТӘУЕЛСІЗДІК КҮНІ ОБЛЫСТА 44 СӘБИ ДҮНИЕГЕ КЕЛДІ
Демалыс күндері өңірімізде 124 сәби дүниеге келсе, еліміздің ең басты мерекесі – Тәуелсіздік күні 44 сәби жарық дүние есігін ашты. Мереке күндері 109–Бірыңғай байланыс орталығына 1 226 өтінім түскен. Сондай-ақ, бұл күндері төтенше жағдайлар қызметіне 8 хабарлама тіркеліп, тиісті шаралар қабылданды. Бұл туралы бүгін Өңірлік коммуникациялар қызметінің ақпарат алаңында тиісті сала мамандары мәлімдеп, мереке күндері 24/7 режимінде жұмыс істеген мекемелердің атқарған жұмыстары жөнінде ақпаратпен бөлісті.
– Облыс бойынша барлығы 79 жедел жәрдем тобы жұмыс атқаруда. Оның ішінде ОМЖЖС-ның құрамында 50 топ, БМСК ұйымдарының жанында 29 фельдшерлік топ еңбек етіп отыр. Биыл қазан айынан бастап шақырулардың күрт көбеюіне байланысты және демалыс мереке күндерін ескере отырып қарбалас сағаттарына қосымша 5 жедел жәрдем тобы қосылды. 14-16 желтоқсан күндері 103 желісіне 5 032 шақыру түскен. Шақырулар санаттары бойынша орындалған шақырулардың 57,5 пайызы 1-3 санатты шақырулар болса, 42,5 пайызы 4 санатты шақырулар орындалған. Ал, ауруханаға апарылған науқастар саны 711 болса, оның 306-сы балалар,- деді облыстық денсаулық сақтау басқармасы басшысының орынбасары Жаңыл Әбубәкірова.
Қызылорда облысы бойынша ТЖД жеке құрамы күшейтілген режимде қызмет атқарды.
- Аймақ бойынша мереке күндері 169 жеке құрам, 44 негізгі және арнайы техника, 2 қайық жауынгерлік есепте болды. Бұл күндері департаменттің жеке құрамы 4 өрт, 3 өртке жатпайтын жану жағдайларына, 1 авариялық құтқару жұмыстарына шықты. Жарақат алған және қаза тапқан адамдар жоқ,- деді қалалық ТЖБ бастығы Ғабит Бабаев.
«109 – Бірыңғай байланыс орталығы» облыс тұрғындарынан келіп түскен өітінімдерді қабылдап, жауапты мекемелерге жолдайды.
- Өткен демалыс және мереке күндері тәулігіне 18 қызметкер кезекшілікте болды. Сол күндері 109 желісінен 1 226 өтінім тіркелсе, 112 қызметіне 870 хабарлама келіп түскен,- деді Қызылорда облысы әкімі аппаратының «Жедел әрекет ету орталығы» КММ директорының орынбасары Мұхтар Садыбаев.
@Қызылорда облысының Өңірлік коммуникациялар қызметі
