Бүгін облыс әкімі Нұрлыбек Нәлібаевтың төрағалығымен өткен мәжілістен кейін, ауданымызда бірқатар маңызды мәселелер бойынша жиын өткізді.

Жиын барысында ең алдымен шағын және орта кәсіпкерлікті дамытуға баса назар аударып, мемлекеттік бағдарламалар арқылы ауданымыздағы кәсіпкерлік бастамаларды қолдауды жалғастыру қажеттігін атап өтті.

Бүгінде халықтың табысын арттыруды көздейтін «Ауыл аманаты» жобасы аясында 59,9 млн теңге көлемінде қаржылай қолдау көрсетіліп, 8 жоба іске асуда.

Сонымен қатар, аудан бюджетінің жыл соңына дейін толық игерілуі маңызды міндет ретінде қойылды.

Жыл қорытындысымен бюджет қаражаты толығымен игерілуі тиіс. Себебі бюджеттің тиімді әрі толық игерілуі ауданымыздың әлеуметтік-экономикалық дамуына тікелей ықпал етеді.

Біздің басты мақсатымыз – ауданның әр салада даму қарқынын арттыру және тұрғындардың өмір сапасын жақсартуға барынша ықпал ету.