"Кәсіподақ барысы – 2024" республикалық турнирінің аудандық кезеңі өтті

Білім қызметкерлері салалық кәсіподағының 100 жылдығына орай қазақ күресінен “Кәсіподақ барысы-2024” республикалық турнирінің аудандық кезеңі өткізілді.

Турнирдің басты мақсаты-Қазақстан Республикасының ұлттық спорт түрлерін  дамыту арқылы салауатты өмір салтын қалыптастыру.

Аудандық турнирде 90-100кг жоғары салмақ дәрежесінде балуандар өз бақтарын сынады.

Жарыс нәтижесінде 90кг салмақ дәрежесіне дейінгі салмақта  №107 мектептің мұғалімі Сламханұлы Шерхан  І орын жеңімпазы атанса,  №109 мектептің мұғалімі Мырзабеков Сұңғат ІІ орын,  №273 мектептің мұғалімі Сарболов Бағдат III орынды иеленді.

90кг салмақ дәрежесінен жоғары болған белдесуде №250 мектеп - лицейінің мұғалімі Қалиев Батырұлан І орын жеңімпазы атанса, №250 мектеп- лицейінің мұғалімі Бектібаев Нұрғиса ІІ орын, №107 мектептің мұғалімі Құдайбергенов Наурыз ІІІ орынды қанжығасына байлады.

Жеңімпаз атанған балуандар арнайы марапаттармен марапатталып, жүлделі жеңіс тұғырына көш бастап тұрған балуандар  өз бақтарын облыс алаңында сынайтын болады.

Жеңімпаздарға сәттілік тілейміз!