Облыс әкімі Нұрлыбек Машбекұлының тапсырмасына сәйкес ауданда арнайы жұмысшы топ құрылып, сұйытылған газ операторларының жұмысына мониторинг жүргізілді.

Мониторинг барысында аймақ басшысының сұйытылған газ сатылымына енгізілген шектеулерді (лимит) алып тастау жөніндегі тапсырмасының орындалуы тексерілді.

Нәтижесінде, ауданның көпшілік газ операторлары шектеулерді алып тастап, сұйытылған газды еркін сатылымға шығарғаны анықталды. Қазіргі таңда тұрғындар үшін қажетті көлемдегі газ қолжетімді болып отыр.

Бұл шара газбен қамтамасыз ету жүйесінің тұрақтылығын арттыру және халықтың қажеттіліктерін толыққанды қанағаттандыруға бағытталған маңызды қадам болып табылады.