Қазақстан Республикасы Ішкі істер министрлігінің нұсқауына сәйкес, Жосалы станциясының ЖПб-нің қызмет ету аймағында 2024 жылдың 13-15 тамыз аралығында Республика аумағында «Anti-fraud» жедел-профилактикалық іс шарасы өткізілуіне байланысты 14-ші тамыз күні Жосалы станциясының ЖПб-нің полиция қызметкерлері Жосалы кент тұрғындарымен кездесті.

Оларға аталған іс-шараның мақсаты – интернет-алаяқтыққа қарсы күрес, ақпараттық технологияларды пайдалана отырып жасалатын өзге де құқық бұзушылықтарды анықтау, жолын кесу және болған қылмыстарды дер кезінде ашу. Республика аумағында басталған «Anti-fraud» жедел профилактикалық іс-шарасы 13-15 тамыз аралығында өтуде. Ақпараттық жүйені пайдаланушыны алдау немесе сенімін теріс пайдалану жолымен алаяқтық жасағаны үшін ҚР ҚК 190-бабы 2-бөлігі 4-тармағы бойынша — мүлкi тәркiленiп, төрт жылға дейiнгi мерзiмге бас бостандығынан айыруға жазасы қарастырылған екенін айтып түсіндірме жұмыстарын жүргізді.