Қазақстанда найзағай ойнап, нөсер жауады
Синоптиктер 16, 17 және 18 шілдеде Қазақстанда ауа райы қандай болатыны туралы болжам жасады, - деп хабарлайды Tengrinews.kz тілшісі.Болжам бойынша, алдағы үш күнде еліміздің аумағының көп бөлігі циклонның ықпалында болады, жаңбыр жауады, найзағай ойнайды, солтүстікте, оңтүстік-шығыста, орталықта, 16-17 шілдеде солтүстік-батыста, оңтүстікте, 17-18 шілдеде шығыста кей уақыттарда қатты жаңбыр жауады. ҚР бойынша бұршақ, дауыл және жел күшейеді деп күтіледі.
"Күндіз ауа температурасы еліміздің батысында + 25 + 36°С, солтүстік-батысында +25+30°С дейін, оңтүстігінде +27+37°С дейін, оңтүстік-шығысында +25+35°С дейін жоғарылайды, солтүстікте, орталықта +21+30°С дейін, шығыста +23+32°С дейін төмендеуі күтіледі", - делінген хабарламада.
